Á tímum þar sem tækniframfarir hafa verið gríðarlega hraðar þarf upplýsingatækniumhverfi fyrirtækja að vera sveigjanlegt, hagkvæmt og öruggt. Með skýjalausnum lágmarkar þú fjárfestingu í innviðum og færð aðgang að sveigjanlegu og öruggu umhverfi sem vex með þínum þörfum á auðveldan og hagkvæman hátt. Aukin sjálfvirkni og möguleiki á sjálfsafgreiðslu þýðir að viðskiptavinir geta opnað beint á ákveðna þjónustu án aðkomu þjónustuaðila. Þegar skýjaumhverfi er byggt upp er því mikilvægt að velja rétta lausn í upphafi. 

Endor býður bæði upp á eigin skýjalausnir og viðurkenndar opnar skýjalausnir frá aðilum á borð við Azure, Amazon Web Services og Google. Við leggjum ríka áherslu á öryggi, uppitíma, skilvirkni, umhverfissjónarmið og fagmennsku í þjónustu okkar. Skýjalausnir okkar eru hýstar í gagnaverum Verne Global á Reykjanesi og TRS á Selfossi. Bæði gagnaver starfa samkvæmt ítrustu stöðlum og kröfum varðandi tvöföldun og öryggi. Við höfum unnið náið með samstarfsaðilum okkar að þróun EC skýjalausna Endor til að tryggja framúrskarandi vörur og þjónustu.